شو أسمك!
يسعد مساكم 
اللي أعرفه أنو أحنا بنكبر كل يوم وتزيد وتنضاف لنا أشياء جديدة ونتعرف على أشخاص ومواقف وخبرات بشكل مستمر ونكتسب ونفقد ونتغير بشكل
طبيعي وصحي سواء باختيارنا أو بدون ما نشعر..
الشيء الوحيد اللي بيظل يلازمنا على طول ولا بيتغير ولا بيروح ولا بيزيد أو ينقص بيوم، وبيظل هو هو من عرفناه يوم انولدنا
هو أسمنا..
أسمك يساويك..
انا أعتقد أن أول خطوة في طريقك لحب ذاتك هي أنك تحب أسمك كثير..
أعرف كثير أشخاص لا تعني لهم أسمائهم شي ذا بال أو ما يحسون تجاهها بوقع في أنفسهم أو اي شعور سواء ايجابي أو سلبي
ناس ثانيين جداً مستائين من أسمائهم مع أنها أحيان كثيره معانيها حلوه ومدلولاتها لها ابعاد مره رائعه لو فكروا فيها بس مو حاسين تجاهها
بانتماء أو انسجام، كثير نسمع عبارة لكل شخص من أسمه نصيب.. بغض النظر عن نظرتي لهذه المقوله، لأن في الحقيقة أنا من يخلق هذا النصيب لو أردت، لكن وجود الأسم خلينا نقول يعطينا دافع او استعداد نفسي يلازمنا من ولادتنا ويساعدنا اننا ننال نصيب منه لو أردنا
حالات كثير مرت على الرسول في عهده كانت أسماء أصحابها غير مناسبه فغيرها
غير أسم حرب إلى سلم، وغير أسم عاصية إلى جميلة، وغير حزن إلى سهل.. وهكذا…
لأنه صلى الله عليه وسلم كان يدرك مدى أهمية الأسم في نفس صاحبه ومن حوله، لأن هالاسم بيظل لصيق لصاحبه مدى الحياة
وبيكون له أعظم الأثر في نفسه وهو يسمع أسمه اللي لو كان غير جيد يتردد في اليوم مرات ومرات وهو مع كل هالترداد المناداه
يزداد استياء وعدم قبول ورفض حتى يوصل هالشعور لانطباعه عن ذاته وشخصيته فما يتقبلها أو ما يحس بفخر تجاهها
من مهام الوالدين انتقاء أفضل الأسماء لأبنائهم كما ذكر صلى الله عليه وسلم أنه يعتبر من بر الأب لأبنه حسن اختيار الأسم
لما جاءه أحدهم يشتكي من عقوق ولده فقال له:من أمه؟ وما أسمه؟ قال:أمه أمه عبده، وأسمه جعل،
فقال الرسول في ما معنى كلامه عققته في اختيار أمه وأسمه فعقك حين كبر.
بالنسبه لي ضروري أشعر تجاه أسمي بشعور أكثر من أنه يكون قبول أو رضى، هذا في حال لو كان الاسم معناه جيد فيكون من الطبيعي اني أشعر بانتماء وانسجام معه يولد معه بالتالي حب لذاتي اللي يمثلها اسمي
وحتى لو كنت غير راضيه عن معنى أسمي أو لا أشعر تجاهه بقبول، أعتقد المفترض في هالحاله لو ما قدرت أغيره أمامي حل اني أغير نظرتي له، تذكرون قصة بنو أنف الناقة اللي درسناها أيام الثانوي أعتقد، كانت هذي القبيلة مستاءه من لقبها والناس دايم تعيرها عليه، فلما انزعجوا منه وهم ما عندهم خيار يغيرونه قررو يخلونه مصدر فخر لهم، بدل ما يكون مصدر تعيير واستياء، فطلبوا من الحطيئة أن يألف فيهم أبيات فخر تتعلق بلقبهم
فقال الحطيئة:
قوم هم الأنف والأذناب غيرهم .. ومن يسوي بأنف الناقة الذنبا
ومن يومها ولقب بنو أنف الناقة أصبح مصدر فخر واعتزاز لقبيلتهم بين القبائل
عاجبني المثال بقوه 
بعض الأسماء تحمل أكثر من معنى، بعضها جيد وممكن يخليها مميزه وبعضها عادي، في هالحاله الأنسب هو أننا ننظر للأميز حتى ينمي
فينا شعور مختلف وجميل وننسجم معه بحب، وبعض الناس أسمائهم حلوه كثير وتحمل معاني حلوه ومع كذا مب حاسين تجاها بشي وأحياناً يرغبون بتغييرها، طيب يمكن حالياً ماتكونون حاسين بشعور رابط بينكم وما تحسونها تمثلكم، طيب ما ودكم أنها تمثلكم! ويكون لكم نصيب منها إذا هي معناها جميل؟
هنا في هالحاله أننا نرضى بها أولاً ونشعر أنها تخصنا وما تسمينا بها إلا لأننا نستاهلها ونستحقها وبالتالي نجعل لأنفسنا نصيب منها بارادتنا
الكلام عن الاسماء طويل كثير وممكن ما يخلص لأنه يتعلق بشكل مباشر عن الشخصية والذات اللي تمثلنا
اعتقد اني رح أدون في المره القادمة بموضوع يكون تابع وذا صله
انتو طيب ماذا تشعرون تجاه أسمائكم؟ وهل مريتوا بأشخص يختلف شعورهم تجاه أسمائهم؟
وما هي نظرتكم وفلسفتكم تجاه الأسماء؟
اي شي في بالكم راح أكون سعيدة به.. خلونا نستفيد
جميل حقاً ..
و لك من اسمك أوفر النصيب
اممم عن نفسي احب اسمي كثير ” هديل ”
واحسه جزء مني صراحه ما اتخيل إني بأسم ثاني خخخخخ
وقابلت ناس كثير ما حبو أسمائهم وغيروها بس الي حولهم ما قدرو يتأقلمون مع التغير وهذا الشيء سبب لهم إحباط
فمن الأساس المفروض الأم والأب يحسنو الأختيار للأسماء علشان لا يتعبو اولادهم نفسياً فيما بعد
منورة
وانتي الأجمل
Bent Dadi
احلى شي هالشعور حب الاسم
اذكر وحده أخت صديقتي كان أسمها جمعة وغيرته لمها طولنا لين تعودنا الاسم الجديد وبعضهم ما رضا يتعود بس اهم شي هي حبة الاسم الجديد ومتأقلمه معه
من كثر ما أنا أحب اسمي( وفـــاء) بالهمزة طبعاً
احس محد اسمه وفاء إلا أنا…
ولا اتقبله على اي أحد ثاني
لدرجة دائماً اسأل نفسي هو صحيح اسمي وفــاء أو لأ… يعني احسه وهمي أنا حطيته لنفسي مدري كيف أشرحها بس اعشق اسمي بــ قوووووة
كثير اعرفهم مايحبون اسمائهم أو مافي اي شعور تجاهها بالنسبة لهم… مو لدرجة يغيروها بس شعورهم عادي تجاه اسماءهم…
والرسول صلى الله عليه وسلم عندما امرنا بإختيار اسماء لأولادنا مقبولة، فيما معنى حديثه أن لكل شخص نصيب من اسمه.
* أحب اسمك كمان كثير
جوهرة تعي
اول شي سعيدة بسقوطي على مدونتك, أثاثها مريح جداً وانيق ( )
فعلاً.. أنا اشعر بارتباط غريب بيني وبين اسمي..
أروى، ممم صحيح اختلفت المعاجم في تفسير اسمي
لكن لازال عالق في ذهني تفسير والدي: ” أروى.. المبالغة في الرواء”
أحسني أبالغ في العواطف والمشاعر والأشياء الحسية..
أحب اسمي كثير.. متعلقة فيه جداً
لو مافي مشكلة.. بسمي بناتي كلهم أراوي
جوهرة
سيميا
ايوا تعجبيني يا بنت فهمت شعورك المهووس
الاحظ الشخص اللي كذا يصير مره بحب ذاته ومعنوياته تكون عالية
وشسمه يسلمو
‘FrashatAljannah
اهلللن وأنا الأسعد بطلتك والله
وانتي شاطرة بعد تعجبيني
مره حلو الارتباط اللي يتولد بينا وبين أسمائنا
، مثل اسمي مرتبط مره بأبوي الله يرحمه
، هو سماني ويحب أسمي دايم يقول انتي جوهرة على أسمك 
ويازينه لو جا من حد نحبه
سميهم أروى 1 وأروى 2 مثل السلطان عبد الحميد الثاني ومحمد الفاتح >أمثالها مستوحاه من تخصصها
مرة رحت للمستشفى .. وقبل لا اطلع منها مريت على الصيدلية ..
… الممرضة : طيب يابسمة ..
..
.. لكنك بفكرك الخلاق .. حركتي بداخلي مشاعر دفينة انسابت لا شعوريا لحظة دخولها عالمك الجميل ..
اخذت الممرضة (سعودية) الروشتة تبع الدواء
.. وفجأة قالت: بسمة انا : نعــم
قالت :اسمك مررررررررررة حلو يابسمة ..
أنــا :
هذا الدواء يابسمة قبل الأكل يابسمة .. وهذا يابسمة كل 8 ساعات ..
ويابسمة هذا وقت الحاجة .. ويابسمة يابسمة يابسمة .. ومع السلامة يابسمة..
رجعت البيت ونسييييت المرض .. وفورا توجهت لماما وقلت لها .. تدرين ان اسمي حلو
من يومها وانا اعتـــز وافخر بأسمي.. افرح لما احد يسألني عنه..
واستااانس لما تذكر المقولة “لكلٍ من اسمه نصيب” ..
اصبحت لا أرى اسمي الا على نفسي .. وانه وجد لي فقط .. ليعبر عني ..
وليعلن تفردي وانتسابي لصفة جميلة جدا يحبها كل البشر “البسمة” ..
هو أنا وأنا هو .. كلانا مكمل للآخر ..
بالعربي .. اموت في دباديب دباديب اسمي المصون
اعتذر عن الإطالة المليقة
سلمت يداك ..
بسمة
وووه ويابسمة يازين طلتك ويا بسمة أسمك لطيف ويا بسمة انتي شاااطرة
كويس صار لك هالموقف ساعات ما ننتبه وغيرنا ينبهنا
مره فرحانه للشعور اللي وصلتيه وحبيتي فيه أسمك ودبتي بدباديبو
كل يوم تعي
اعشق اسمي نوف و افخر فيه كثير و لا عمري اتخيل نفسي اسمي
اسم ثاني ابداً و على قولة البنات احس هالإسم لي لحالي ما أحب احد يكون اسمه زيي
خالي الله يغفر له مسميني على اسم حبيبته اللي مات و ما تزوجها
عشان كذا الإسم جداً متعلقه فيه سماني بحب فعشان كذا افخر فيه
نوفه
اللله حبيت قصة أسمك
يحق لك تفخرين فيه حلو هالشعور كثير
منوره
خخخخخخخخخخ دخلتي الفكرة براسي
حبيلك والله
كتبت رد ..وراح ..ومرت الايام ورجعت للمدونة مرة ثانية وشفت التدوينة …وماقدرت اقاوم ههههه
اسمي على كثر المقالب اللي تجي لمن احد يحاول ينطقه خخخخ الا اني اعتقد اني فعلا فعلا اعيش علاقة حب معاه …
: )
مش لانه بس مميز لا ..ولا لانه احسه لي وبس …لكن
لانه كان هو معاي في كل انكساراتي وانتصاراتي …
كل كل ما احس بالتميز ..كل ما احس بالفشل …في كل شيء ..هذي انا ..وسنى!!
الجوهرة يااخي انا احوبك